موقف اتعلمت منه

تقول احد البنات

السلام عليكم

الموقف اللي حصل دا برغم انه صغير الا ان ربنا سبحانه فهمني فيه معنى مهم

كنت بصلي الظهر وكنت لابسة اسدال مش حلو

أنا قلت مش مهم .. المهم يكون ساتر وخلاص

ف نفس الوقت جالنا ضيوف ،، خلصت صلاة الظهر وقلت اسلم عليهم وبعدين ارجع اصلي السنة

خلعت الاسدال ولبست هدوم حلوة استقبل بيها الضيوف وحطت بيرفيوم ( عشان كانوا نساء طبعا )

وسلمت عليهم

ورجعت لبست الاسدال عشان اصلي السنة

والحمد لله ربنا رزقني بشوية نمل قرصوني ببشاعة كان الم فظيع

ووالله ما اعرف النمل دا كله دخللي منين

خلصت بسرعة طبعا عشان اشوف الكائنات دي واحوشها

وعرفت السبب :

كنت مكسوفة جدا من ربنا إني تزينت للناس ومعملتش كده لما دخلت في الصلاة

ليه بتلبسي اي حاجة وانت رايحة تصلي مع ان وانتي رايحة الجامعة بتلبسي احسن حاجة

ليه بعض الرجال وهو رايح المسجد يلبس اي حاجة ولو مش مكوية ( مش مهم انا رايح المسجد ايه يعني )

في حين وهو رايح الشغل ...

( يا بني آدم خذوا زينتكم عند كل مسجد )