ارجع يا ريس علشان ...
ارجع يا ريس قبل العيد علشان نقول عيد مبارك
ارجع يا ريس مش لاقيين اسم لمحطة رمسيس في المترو
ارجع يا ريس ... تقريباً نسيت نور الصالون في القصر مفتوح
ارجع لحسن شكلك هيبقى وحش اوي قدام السادات وناصر لما يسألوك مشيت ازاي ؟
ارجع يا ريس .. وحشنا ابنك جمال
ارجع يا ريس علشان ننزل التحرير تاني وناكل كنتاكي
ارجع .. بقوا يطبخوا ع الفحم في اسرائيل
طب ارجع يا ريس واللي اتفرم يتصلح
ارجع يا ريس..شارع صلاح سالم بقالو كتير مابيوقفش
ارجع يا ريس .. دكاترة الضغط والسكر والقلب مش لاقيين شغل
ارجع يا ريس انا بقيت بتكلم في السياسة براحتي
ارحمنا وارجع بقى .. مين اللي هيغير اسم 620 الف مشروع ومدرسة باسم سعادتك ؟
ارجع يا ريس شكلنا هنبقى من الدول المتقدمة
يا ريس ارجع انا خايف رغيف العيش يكبر وأنا ناوي أعمل دايت
ارجع بجد .. دلوقتي لما مبيعجبناش وزير بيتغير ، المسئولين اتبهدلوا من بعدك يا ريس!
طب بص .. بلاش انت ترجع .. بس جمال وعلاء ضروري يرجعوا قبل رمضان .. هنعمل الدورة الرمضانية ازاي من غيرهم ؟
ارجع بقى يا ريس دي كانت الكاميرة الخفية
موضوع: ارجع يا ريس .. !! 
الأحد مايو 08, 2011 6:25 am
